20.12.2011
Það er búið að vera rólegt í hestamennskunni undanfarið en
þeir feðgar Þór og Egill hafa þó aðeins verið að ríða út.
En núna er húsið orðið nánast fullt af hrossum og allt að
fara í gang svona rétt fyrir jólin. Egill Már naut góðs af
því að nokkur hross fóru í salt og járnar lappir í gríð og
erg! Ekki geðslegt finnst mörgum en besta leiðin til
að æfa sig. Annars er hugurinn nú aðalega við jólin og
öllum farið að hlakka til að fá jólaöndina, skötuna,
hangikjötið, laufabrauðið, pakkana og allt hitt. Njótið
undirbúningsins í botn til þess er þetta nú allt saman er
það ekki:)
24.11.2011
Hann Sigurður Hermannsson er búinn að vera að vinna hér í 5
vikur við að frumtemja 4. vetra tryppin með Þór. Nú
eru þau orðin taumfær, reiðfær og verða vonandi bara fær á
flestum sviðum í framtíðinni, allavega líta þau bara vel út
mörg hver. Á myndunum er Siggi á Rommel Molasyni en
hann fer vel á stað þægur og taugasterkur. Núna er
hann komin aftur út á tún með hinum tryppunum reynslunni
ríkari!!
20.11.2011
sjá sauðfé!
10.11.2011
Egill og Stígur í kveðjureiðtúrinum, því Stígur er seldur og
kominn í Mosfellsbæinn ásamt þeim Bylgju frá Skriðu, 3 vetra
rauðri undan Dimmu og Markúsi, og smáradóttirinni Kengálu
frá N-Rauðalæk, en hún er grá og einning á fjórða
vetur . Óskum við nýjum eigendum til hamingju og vonum
að gangi vel.
09.11.2011
Í gær þurftum við aðeins að kíkja á tryppin okkar sem eru á
Barkárdal. Þau litu vel út stælt og flott eftir
sumarið. En það eru forréttindi að geta alið þau upp í
fjallendi sem þessu. Þau eru stanslaust á ferðinni.
Hafa næga beit en verða aldrei afmynduð af spiki:) Myndir í
þessari röð: Rebekka (List og Tenór frá Túnsbergi),
Míla (Píla og Moli), Breki (Rauðhettu og Roða frá Múla),
Aría (Sónötu og Geisla), Brana (Dimmu og Kappa
frá Kommu) og Stör ( Hélu og Stígs). Annars er allt
gott, tíminn líður við tamningar og haustverk.
Þrjú hross skiptu um eigendur í síðustu viku en meira að því
síðar.
03.11.2011
sjá frétt á www.lettir.is.
Uppskeruhátíð barna og unglinga var haldinn í reiðhöllinni á
Akureyri um daginn. Þar fékk Egill Már viðurkenningu
fyrir gæðingakeppni barna. Inn á Léttissíðunni eru myndir af
öllum krökkunum sem fengu viðurkenningar og er þessi mynd af
þeirri síðu.
24.10.2011
Það er alltaf eitthvað verið að bralla, nú erum við búin að
gera hringvöll, með skeiðbraut, á eyrunum norðan við
hesthúsið. Hann er nánast klár, það á eftir að bera aðeins
ofan í hann og svo að setja einhverjar snúrur í kring.
Hjalti Þórsson og Arnar Hjaltason gerðu völlin og ýttu meira
að segja upp smá áhorfandabrekku ofan við völlin.
Síðan fengu þeir aðstoð frá Guðmundi Hjálmarsyni og Guðmundi
syni hans síðasta daginn við að bera ofaní og valta.
Það er ekki amalegt að þekkja góða menn, þeir eru gulls í
gildi!! Set inn betri myndir af vellinum síðar.
Annars snýst lífið að mestu um mat þessa dagana, það er búið
að slátra, svíða, gera slátur, bjúgu, kjötfars, rúllupylsur,
hakk og hangikjöt svo eitthvað sé nefnt, allt frystipláss
orðið fullt og búið að tryggja að enginn líði skort í vetur.
Svo er hesthúsið orðið fullt af tryppum sem verið er að
frumtemja og það er hann Sigurður Hermannsson sem hefur
yfirumsjón með því. En meira um það síðar.
12.10.2011
Enn einn rauður gæðingur til sölu.
Sörli frá Skriðu!!
10.10.2011
Bylur frá Skriðu einnig auglýstur
til sölu
09.10.2011
Nýr á hross til sölu, Tvistur
frá Arnarstöðum.
05.10.2011
Jónsteinn Helgi hélt upp á 7 ára afmæli í dag og var það
óvenjulegt að því leyti til að slegið var upp snjóstríði í
garðinum. En í morgun var allt hvítt og hélst snjórinn
fram yfir veisluna. Nú er hins vegar komið rok og
rigning en svona er Ísland!!
04.10.2011
Svipmyndir frá árlegri hrútasýningu sauðfjárræktarfélagsins
neista sem að þessu sinni var haldinn hér hjá okkur.
Margir hrútar mættu á svæðið með eigendum sínum og opnuð var
ný heimasíða félagsins
sfneisti.123.is/ . Þar má lesa nánar um
sýninguna og sjá úrslit. Við áttum hrútana í 1, 3 og 4
sæti og lambhrútinn í 2 sæti. Efsti lambhrúturinn var
frá Lönguhlíð.
26.09.2011
Þór fór í hrútakaupaferð vestur á land í vikunni og sótti í
leiðinni þessar tvær systur. Dalrós var í hólfi hjá
Fláka frá Blesastöðum og var sónuð með fyli. Þannig að
það er líklega eitthvað svarstjörnótt í framleiðslu þar!!
Hún kom sem sagt heim ásamt vindóttri veturgamalli systur
sinni undan Jara frá Miðfossum. Sú heitir Fjöður frá
Grindavík og eru þær ótrúlega líkar í byggingu Dalrós og
Fjöður. Núna eigum við því 3 merar unda Stjörnu frá
Draflastöðum Dalrós, Fjöður og Hafrúnu (sjá mynd af henni
hér aðeins neðar). Dalrós var rosalega glöð að komast
heim og upp í fjall og sú stutta elti hana hvert skref.
23.09.2011
Kapella frá efri-Kvíhólma er fjögurra vetra meri sem við
eigum. Hún fór vel á stað í tamningu, þæg og þjál og
með allan gang opinn. Þór prófaði aðeins að
skeiðleggja hana áður en dregið var undan henni og hún átti
mjög auðvelt með 5. gírinn :) Tilhlökkunar efni fyrir
skeiðsjúkan húsbóndann!!
Það er hún Eyrún "menntaskólapía" sem situr Kapellu á
myndunum.
Þetta eru síðan tvær heimildamyndir af þeim Agli og Stulla
en Stulli hefur aldrei verið í öðru eins formi. Enda
reiðtúrarnir stundum tveir til þrír á dag.
22.09.2011
Einmuna blíða í dag þannig að ég stóðst ekki mátið og
kíkti aðeins á hrossin í fjallinu eftir mjaltirnar.
Þetta er hún Berglind frá Skriðu undan List og Gaumi frá
Auðsholtshjáleigu. Ofsalega falleg, hálslöng og
gæðaleg hryssa sem gaman verður að fylgjast með.
Þetta eru síðan tvær frænkur þær Sæla (sú brúna) og Góa (sú
bleikálótta). Sæla er undan klóninu henni Synd og
Hlekk frá Lækjamóti. Sæla er án efa hágengasta
folaldið okkar í ár. Góa er hinsvegar líkari því að vera
ættuð frá Mongólíu en Íslandi en afskaplega gæf og mikill
karakter.
Hér er svo Hafrún frá Skriðu og Skorri frá Skriðu.
Skorri er seint kastaður og hefur því ekki ratað inn á
heimasíðuna fyrr en núna. Hann er undan Gyðju frá
Þingnesi og Prins frá Úlfljótsvatni.
Hér er svo hann Ari frá Ytri Hofdölum sem í þessum töluðu
orðum var að skipta um eigendur og er á leið suður á land
með fyrstu ferð. Ef einhver á leið suður á næstunni
með kerru og hefur laust pláss þá vantar okkur far
fyrir hann (borgum auðvitað fyrir) sími 8991057!!
20.09.2011
Hún Dimma okkar stendur sig vel þessa dagana. Hún er
að fóstra þessa litlu rauðu meri sem varð móðurlaus aðeins
mánaðar gömul hér á nágranna býli. Dimma tók hana stax
að sér og braggast sú stutta vel. Hann Bjarmi
DimmuogFróðason var ekkert paránægður með þetta til að byrja
með og lét eins og afbrýðisamur krakki en nú er þau
perlvinir stjúpsystkinin.
19.09.2011
Það voru göngur og réttir á laugardaginn síðasta, veðrið var
yndislegt og allt gekk eins og í sögu. Það var reyndar
helst til heitt fyrir féð og því skiluðu sér ekki alveg
allar í rétt. Gangnamenn voru um 30 í heildina á
aldrinum 6 ára og uppúr svo það var varla nokkur smuga fyrir
neina kind að sleppa!Það skal tekið fram að allir
gangnamennirnir skiluðu sér til réttar. Það var hann
Agnar Páll sem tók þessar skemmtilegu myndir í réttunum.
Þetta er veturgamla kindin hún Lilja. Hún hrapaði í
göngunun í fyrra og lifði af en bæði hornin losnuðu, þau
festust aftur en vaxa alveg snarvitlaust og vísa beint inn í
kjammann á henni. Þá er ekkert að gera nema klippa þau til!
Það var misjöfn tæknin sem var notuð við að draga og stundum
var álitamál hver var að draga hvern:)
Heimasæturnar á bæunum áttu svolítið erfitt með að standa í
lappirnar og virtust lömbin hafa yfirhöndina !!
Sumir voru ansi spenntir að finna lömbin sín sérstaklega þau
gráu á meðan aðrir vildu heldur tylla sér á réttarvegginn og
sjá þetta út í rólegheitum.
Hliðverðirnir á vakt.
Margt er líkt með skyldum:)
Þeir sem ekki hlýddu voru umsvifalaust teknir í
bóndabeygju, takið eftir því að Bragi bóndi notar
öfugabóndabeygju á sitt fórnar"lamb"!!
Og að lokum réttarfitness meistararnir 2011
06.09.2011
Í dag og í gær fór allt í hundana á þessum bæ í orðsins
fyllstu merkingu. Hér fór sem sagt fram
fjárhundanámskeið. Mennskir þáttakendur voru í
kringum 13 en hundarnir voru enn fleiri þar sem sumir áttu
tvo hunda. Það ætti því að smalast vel í haust ef
námskeiðið hefur borið árangur:)
30.08.2011
Þessi stóri og myndarlegi foli heitir Dynur frá Skriðu.
Hann er tveggjavetra undan Glym frá Innri-Skeljabrekku og
Freydísi frá Feti (u. Orra frá Þúfu). Við sóttum
ungfolana okkar út í Kjarna í síðustu viku þar sem þeir eru
búinir að vera í sumar. Þeir voru feitir og
pattaralegir og smelltum við nokkrum myndum af Dyn við það
tækifæri.
28.08.2011
Það er keppt í fleiru en hestaíþróttum hér á bæ, t.d. í
kökubakstri svo eitthvað sé nefnt. En í vikunni
langaði þeim Eyrúnu og Malin alveg rosalega mikið í góðar
kökur og efndu því til samkeppni. Hringt var í
nágranna og fjölskildumeðlimi og þeim boðin þáttaka og úr
varð eitt rosalegasta kökuhlaðborð sem hefur litið dagsins
ljós. Allskonar kökur og er þetta bara smá sýnishorn
hér fyrir ofan. Á neðstu myndunum eru annarsvegar
dómnefndin að störfum og á hinni er sigurvegarinn með
farandbikarinn ásamt sigurvegarinum frá því í fyrra!!
Jú það er víst ekki öll vitleysan eins:)
25.08.2011
Videó af Óskari frá Litla-Hvammi sem er auglýstur á
sölusíðunni
http://www.youtube.com/watch?v=QLRoZmYE5XM
22.08.2011
Gæðingamót Léttis og Funa var haldið á Melgerðismelum um
helgina. Við Skelltum okkur auðvitað á svæðið og komum
heim reynslunni ríkari og með nokkur verðlaun.
Það getur verið erfitt að vera lítill á stórum hesti.
Jónsteinn keppti á Gretti og Egill á Snillingi frá Grund
II, en báðir eru þeir um 150 cm á herðar!!
Þetta var fyrsta alvörumótið hans Jónsteins og stóð hann sig
rosalega vel. Grettir tölti eins og herforingi en
vildi minna feta!!
Eyrún keppti á Stíg í unglingaflokki og endaði í 8. sæti í
rosa sterkum hóp unglinga:) Flott að sjá hvað
krakkarnir eru vel ríðandi.
Svo er það vinnerinn! Egill keppti á Snillingi frá
Grund II, hann fékk hann lánaðann hjá Jóni Páli á Björgum og
eru þeir búnir að vera á ströngum æfingum hjá Jolla (Jóni
Páli) undanfarnar 2 vikur. Þeir uppskáru eins og þeir
sáðu og sigruðu barnaflokkinn. Komu sjöundu inn í
úrslit en stukku í fyrsta sætið í úrslitunum. Húrra Egill!!!
Klikkið á linkinn fyrir neðan til að sjá videó af þeim
snillingunum í úrslitunum. Það var hann Patrekur
Jónsson sem myndaði og útbjó þetta videóskot.
http://www.youtube.com/watch?v=sDHFP_6opk4&feature=related
Þar sem hann Atli vinnumaður var að yfirgefa okkur í dag og
byrja í skóla notuðum við síðasta tækifærið um helgina til
að "sleppa" við fjósið og gistum í bústað fram í Eyjafirði.
Þar var veitt í vatninu og svamlað í heitum potti.
Á heimleiðinni komum við svo við hjá honum Bjössa
Hesjuvelling og Mæju hans og litum á gæludýrin þeirra sem
teljast frekar óvenjuleg. Allavega svona inn í
kaupstað. Þau eru með 2 tófuyrðlinga í garðinum sem
hlýða eins og hundar og eru hin vinsamlegustu grey.
21.08.2011
Kíkið á vídeóið hér að neðan. Þar eru tveir snillingar
á ferð:)
http://www.youtube.com/watch?v=sDHFP_6opk4&feature=related
17.08.2011
Óskar frá Litla-Hvammi, frábærlega skemmtilegur töltari til
sölu. Viljugur og þægur, flottur í töltkeppnina og
algjör eðall í ferðalögin. Kíkið á
hross til sölu
16.08.2011
Alltaf er einhver áhugi á gömlu trjánum í garðinum okkar.
En fyrir helgi kom hópur skógfræðinema frá
Landbúnaðarháskólanum á Hvanneyri í garðinn. Þau voru
á hringferð um landið að líta á merkileg tré og skógrækt.
Kíkið á kýr og
önnur dýr.
15.08.2011
Þór var að rúllubinda fyrir bændur á Rauðalæk í síðustu viku
og þá flögraði allt í einu þessi fallegi fálkaungi um túnið.
Hann var eitthvað hálfslappur og svengdarlegur og greinilega
einn og yfirgefinn greyið. Oddgeir á Rauðlæk náði
fuglinum og kom honum í hendur lögreglunnar á Akureyri og
dvelur hann nú í húsdýragarðinum í Laugardal og er farin að
éta og braggast. Það var hún Áslaug Ólöf á Rauðalæk
sem tók þessar myndir.
11.08.2011
Mikið heilsuæði hefur gripið unglingana á bænum undanfarna
daga svo mikið að hann Atli Geir vinnumaður týndi til
hentugan klæðnað úr fataskáp Eyrúnar og dreif sig í skokkið.
Held að stefnan sé tekin á næsta Þorvaldsdalshlaup:)
09.08.2011
Skruppum á Einarstaðamótið um helgina og tókum þátt í
nokkrum greinum. Alltaf jafn gaman að koma í Reykjadalinn og
alltaf sama góða stemmingin:)
Þór keppti í tölti á Óskari frá Litla-Hvammi og Hákoni frá
Hraukbæ. Hákon var járnaður skömmu fyrir mótið og
hafði þá verið í nærri tveggja ára pásu. Hann hefur
samt engu gleymt gamli höfðinginn og stóð sig með prýði
þrátt fyrir nokkur aukakíló!! Hákon var sjötti eftir
forkeppni og Óskar áttundi. Þetta var frumraun Óskars
á vellinum og var þetta vel heppnuð byrjun. Þór fór
með Óskar í B-úrslit og hélt hann sínu sæti. Óskar er
í eigu Össa Grant í Litla-Hvammi.
Eyrún keppti í unglingflokki á Sól frá Arnarstöðum og Jasmín
frá Tungu. Eyrún og Sól enduðu í áttunda sæti en
Jasmín neitaði að brokka og komst því ekki í úrslit.
Malin keppti í B-flokki á Stíg frá Skriðu og fékk fína
einkunn en dugði þó ekki í úrslit í þetta sinn og Egill
keppti í barnaflokki á hinum eineygða Kiljan og skín
einbeytningum af þeim félögum.
Einn skemmtilegasti dagskrárliður mótsins er
öldungaflokkurinn sem fer fram á sunnudeginum. En þar
fóru þeir mikinn karlarnir og þá ekki síst Matthías Eiðsson
í Möðrufelli á þessum glæsihesti.
Ekki má gleyma mannlífinu í brekkunni sem alltaf stendur
fyrir sínu!!
06.08.2011
Loksins komumst við aftur á hreindýraveiðar. Höfum
ekki fengið úthlutað dýri tvö síðastliðin ár en nú gekk það.
Fórum austur í Álftafjörð eins og vanalega og núna veiddum
við dýrið í Laxárdal. Sáum alveg niður á Höfn í
Hornafirði við vorum það austarlega. Fengum eins og
alltaf frábært veður, frábæran leiðsögumann og flottar
móttökur fyrir austan og síðast en ekki síst nóg að labba og
svo náðu bræðurnir í hreindýr svo nú er bara að fara að
prófa sig áfram við að elda hreindýrakjöt.
05.08.2011
Fjör á ættarmóti Skriðufjölskyldunnar um Versló.
Nokkrar sprellmyndir af fjölskyldumeðlimum og trúið mér
þessar eru ósköp saklausar, margar hverjar eru ekki
birtingarhæfar.
01.08.2011
Það er alltaf eitthvað að bætast í hópinn hér í Skriðu. Á
myndunum eru 3 merar sem við vorum að eignast í sumar.
13 vetra gömul meri sem heitir Stjarna frá Draflastöðum og
er bleikstjörnótt og faxmikil og 2 dætur hennar.
Fjöður frá Grindavík er móvindótt veturgömul undan Jara frá
Mið-Fossum (undan Jarli frá Mið-Fossum) og svo er rauð meri
fædd í vor undan Kalda frá Meðalfelli (undan Álfi frá
Selfossi). Sú rauða heitir Hafrún frá Skriðu.
Stjarna er móðir Dalrósar frá Arnarstöðum sem er
uppáhaldsmerin á bænum. Rosalega viljug og skemmtileg
tölthryssa undan Mola. Það er því gaman að vera búin
að eignast mömmu hennar og einnig tvær systur.
30.07.2011
Síðasta folald sumarsins er loksins fætt, en það var
slysaskotið hún Synd frá Skriðu undan Mola og Gullinsjörnu
sem kastaði fallegri brúnni hryssu undan Hlekk frá
Lækjamóti. Sú stutta, Sæla frá Skriðu er snaggaraleg,
fer á brokki með háum hreyfingum en á myndunum er hún alveg
glæný!! Ekki tókst að fá skjótt undan Hlekk í sumar en
systir Sælu, Demba frá Skriðu, er rauðstjörnótt.
18.07.2011
Dagarnir snúast um að heyja á daginn og fara í rekstra á
kvöldin þessi misserin. Erum búin að þvæla um
sveitafélagið og mottóið er að ákveða aldrei næsta
stoppustað fyrr en kvöldið áður. Erum búin að fá
frábærar móttökur á stoppustöðunum, takk fyrir okkur
Þrastarhóll, Kjarni og Björg. Það er nú ekkert
sjálfssagt að fólk láni manni næturhólf fyrir svona stóð
eins og fylgir okkur jafnan. Allt er búið að ganga í
sögu fyrir utan smá byrjunarörðugleika:)
14.07.2011
Um síðustu helgi fór fram hið árlega Bjargarmót hér í
sveitinni og er það eins konar bæjarkeppni með
firmakeppnissniði. Nánast öll fjölskildan tók þátt að
undanskildum Agnari Páli sem enn er í gifsi á báðum höndum.
Jónsteinn keppti í fyrsta sinn einn enda búin að vera á
reiðnámskeiði vikuna á undan. Hans hestur var Grettir
frá Skriðu 26 vetra og tvímælalaust besti hestur í heimi.
Nú eru öll börnin búin að keppa á Gretti!! Gaman að
hugsa til þess að hann skuli enn vera í brúkun en "mamma
gamla" var bara 15 ára þegar hún byrjaði að ríða á honum 4
vetra gömlum. Jónsteinn lenti í 3 sæti í pollaflokk og
auðvitað rosalega ánægður með bikarinn.
Egill er með hestadellu að bestu gerð og keppti á fjórum
hrossum. Í barnaflokki keppti hann á Hörpu frá Árgerði
sem hann fékk lánaða hjá Dóra og Erlu, og Fálka sem hann
fékk lánaðan hjá Jónínu og Jolla. Hann lenti í
fimmtasæti á henni Hörpu sem er sú jarpa. Fálki er sá
grái og þessi skjótti heitir Stulli og Egill keppti á honum
í skeiði og lá Stulli báða spretti. Hann keppti líka á
Skeifu í skeiði en hún lá ekki alla leið. Þetta voru
fyrstu skeiðsprettirnir í brautinn hjá honum Agli en líklega
ekki þeir síðustu.
Eyrún er í fullu að ríða út í sumar og temur daginn út og
inn. Hún keppti á töltmyllunni Hetju frá Garðsá
og urðu þær stöllur í þriðja sæti í unglingaflokki.
Hetju var haldið undir Óm frá Kvistum í fyrrasumar og sögð
fylfull. En svo biðum við og biðum í vor en aldrei kom
neitt folald :( en nú er búið að sóna hana fylfulla
við Fróða frá Staðartungu :) svo vonandi kemur folald næsta
vor.
Gamla settið keppti líka. Þór í karlaflokki á Stíg frá
Skriðu nýgeltum og aldei betri og enduðu þeir í 4 sæti.
Sigga keppti svo á henni Birtu í kvennaflokki og fékk sér
svo bara sæti og lét fara vel um sig í áhorfandastúkunni :)
Við áttum svo líka fulltrúa í bændaflokknum, en hann
Marteinn á Barká fékk hana Sól lánaða og komst í úrslit og
síðan verð ég nú að monta mig af henni systur minni, Jónínu
Sverris, því hún gerði sér lítið fyrir og sigraði
bændaflokkinn á honum Snillingi frá Grund.
Sem sagt góður dagur í frábæru veðri.
12.07.2011
Fórum í góðum hópi í hvalaskoðun og sjóstangveiði í
gærkvöldi. Sigldum með Níelsi Jónssyni frá Hauganesi
og sáum 2 hnúfubaka og hnísu. Veiddum síðan í gríð og
erg og húsbóndinn náði í einn stórþorsk. Minnstu
munaði að karlinn spýttist fyrir borð þegar ferlíkið beit á
en það slapp nú sem betur fer. Þorskurinn var svo
grillaður í hádeginu og rann ljúflega niður. Ferðin
endaði í Ekta fiski þar sem Elvar Reykjalín tók á móti
hópnum með hákarli og saltfiski og á ég nú plagg um að það
ég sé gildur meðlimur í the rothen shark club of Hauganes.
08.07.2011
Dimma frá Akri fór undir Stála frá Ytri-Bægisá í gærkvöldi.
Með henni er Fróðasonurinn Bjarmi frá Skriðu. Á myndinni eru
stórsnillingarnir Þorri á Bægisá og Marteinn á Barká ásamt
Stála.
Búið er leiða eftirfarandi hryssur undir eftirfarandi
stóðhesta:
Hélu frá Skriðu undir Bessa frá Skriðu
Freydísi frá Feti undir Hrym frá Hofi
Birtu frá Skriðu undir Hlekk frá Lækjamóti
Dalrós frá Arnarstöðum undir Fláka frá Blesastöðum
Dimmu frá Akri undir Stála frá Y-Bægisá
Sunnu frá Skriðu undir Fróða frá Staðartungu
Hetju frá Garðsá undir Fróða frá Staðartungu
Drottningu frá Árbakka undir Huldar frá Sámstöðum
Óperu frá Víðidal undir Huldar frá Sámsstöðum
Írisi frá Lambhaga undir Huldar frá Sámsstöðum
Jasmín frá Tungu undir Bessa frá Skriðu
Rimmu frá Ytri-Bægisá undir Huldar frá Sámsstöðum
Hörpu frá Árgerði undir Bessa frá Skriðu
Maístjörnu frá Litla-Garði undir Bessa frá Skriðu
08.07.2011
Hann Ari frá Ytri Hofdölum er mjög myndarlegur hestur sem
gaman er að mynda, stillir sér yfirleitt upp og sýnir sínar
bestu hliðar. Eitthvað varð hann nú samt vandræðalegur
þegar ég ætlaði að mynda hann eitt kvöldið og setti þá upp
hin ýmsu svipbrigði:)
08.07.2011
Þessar 4 faxmiklu og myndarlegu merar heita Kringla, Alda,
Gloppa og Dögg. Þær eru allar undan Stíg frá Skriðu
sem er undan Gullinstjörnu frá Akureyri og Hágangi frá
Narfastöðum. Þær eiga það líka allar sameiginlegt að
vera þúfugæfar og skemmtilegar í umgengni. Kringla
(grá frá Steinsstöðum), Alda(jörp frá Brimnesi) og Gloppa
(Rauðtvíst. frá Steinsstöðum) eru tveggjavetra en Dögg sem
er frá Miðkoti í Landeyjum er þriggjavetra. Hér að
neðan er svo einnig mynd af Dögg þar sem hún horfir til
suðurs, kannski að hugsa heim hver veit!!
07.07.2011
Hér er hann Rommel frá Skriðu undan Mola og Drottningu.
Rommel er risa stór þriggjavetra foli sem er nú í eigu
Axinju F. frá Þýskalandi. Hi Axinja thoses pictures
were taken 3 days ago and if you clikc at them you can see
them bigger. I like the one of the eye!!
07.07.2011
Gekk upp á Steinneshnjúk milli Ólafsfjarðar og Héðinsfjarðar
í gærkvöldi í góðum félagsskap og blíðviðri.
Sjá myndir
04.07.2011
Nokkrar svipmyndir frá landsmóti á Vindheimamelum 2011.
Við fórum á fimmtudaginn og vorum fram á sunnudag.
Veðrið var frábært og hrossakosturinn enn betri.
Algjör veisla fyrir augað. Alltaf þegar maður hélt að
maður væri búin að sjá besta hrossið kom annað og jafnað eða
jafnvel toppaði hitt. Síðan var auðvitað endalaust
grillað og tjúttað og krakkarnir veiddu síli í gríð og erg.
Á síðustu myndunum er Fláki frá Blesastöðum en í dag er hún
Dalrós okkar einmitt að fara undir hann, suður í
Borgarfjörð.
27.06.2011
Demba frá Skriðu heitir þessa rauðstjörnótta hryssa undan
Freydísi frá Feti og Hlekk frá Lækjamóti, ekki fæddist hún
skjótt eins og vonir stóðu til en snotur meri samt sem áður.
Bjarmi frá Skriðu heitir síðan þetta bleikstjörnótta
hestfolald undan Dimmu frá Akri og Fróða frá Staðartungu.
Bjarmi er bara nýkastaður á myndunum og er að reyna að
standa upp en það gekk ymislegt á áður en það tókst.
24.06.2011
Árleg jónsmessuhátíð í Baugaseli var í gærkvöldi og fórum
við ríðandi þangað uppeftir ásamt fleiri sveitungum.
Aðrir fóru keyrandi og enn aðrir gangandi. Skemmtileg
samkoma að vanda, kjötsúpa var hituð á báli, sungið, farið í
leiki og fleira skemmtilegt. Það er ferðafélagið Hörgur sem
stendur fyrir þessari hátíð og á fyrstu myndinni er einmitt
hann Bjarni Guðleifsson sem er búin að vera formaður
félagsins frá stofnun þess. Annars er það að frétta að
heyskapur er hafinn og búið að rúlla einar 60 rúllur svo
betra er seint en aldrei!! Slysin hafa sótt okkur heim
að undanförnu því Jónsteinn Helgi datt úr rólu og
handleggsbrotnaði um daginn, viku seinna datt Agnar niður af
þaki og braut báðar hendurnar þannig að hann er í gifsi á
báðum höndum :(
21.06.2011
Fórum með Kjark Sunnu og Molason í Kambakot á Skagastönd í
gærkveldi og slepptum honum í merarstóðið þar á bæ. En
þar eru nú komin fullt af folöldum og öll undan Bessa frá
Skriðu en hann var í Kambakoti í fyrra. Folöldin voru
hvert öðru fallegra og fóru mikið á tölti. Við fáum
svo að velja eitt folald í haust og vorum við spenntumst
fyrir þessum litflottu hryssum hér að ofan. Erfitt að
velja þar sem sú blesótta var meiri töffari og fór um á
flottu brokki, en sú skjótta fallegri og malaði tölt.
Kvöldsólin skartaði sínu fegursta þó kalt væri í veðri og
klikkið á sólarmyndirnar til að sjá að það eru víst hross á
þeim:)
20.06.2011
Á þjóðhátíðardaginn slepptum við þessum gráskjótta þriggja
vetra graðhesti í hólf yfir á Neðri Rauðalæk. Hann
heitir Huldar frá Sámsstöðum og er undan Álfi frá Selfossi
og Þoku frá Akureyri(7,7-8,33). Við erum með Huldar á
leigu ásamt Sumarliða og Stefaníu á N-Rauðalæk en eigendur
hans eru Höskuldur og Elva á Akureyri. Við
settum 4 merar hjá Huldari, þær Drottningu (leirljós), Írisi
(brúnskjótt), Rimmu (rauðskjótt) og Óperu (rauð). Á
síðustu myndinni er hún Stefanía í sumar skapi, ekki nema í
fjórum ullarpeysum og föðurlandinu, og hún heldur í
Keilisdótturina Óperu frá Víðidal.
19.06.2011
Það var leikur í folöldunum í rigningunni um daginn og tóku
þau sprettinn um allt hólf. Annars er það að frétta að
sólin skín í dag og hitastigið fór aðeins yfir 10 gráður svo
hér er allt að gerast!!
16.06.2011
Jæja nú er eitt aðal folaldið komið í heiminn en það er
undan List frá Fellskoti og Gaumi frá Auðsholtshjáleigu og
vorum við svo heppin að fá meri :) og er það þriðja merin
sem við eigum undan List. Fyrir eigum við
Moladótturina Sóldögg tveggja vetra og Tenórsdótturina
Rebekku veturgamla. Sú stutta er fíngerð og falleg en
hefur ekki hlotið nafn ennþá. Við eigum enn eftir að
fá nokkur folöld og er hún Freydís Orradóttir orðin mjög
sver og hlýtur að fara að kasta. En hún er fylfull við
Hlekk frá Lækjamóti (síðasta myndin er af Freydísi).
08.06.2011
Fréttir frá Noregi, það eru nú þegar fædd 8 folöld undan
Mola þar í landi. 3 hestar og 5 merar, 3 brún, eitt
bleikálótt og 4 rauðtvístjörnótt. Gaman að fylgjast
með og það auðveldar facebook manni. En Moli er með
aðdáenda hóp þar sem kallast Holymoli!! Meðfylgjandi
myndir eru af Norskum Molabörnum.
06.06.2011
Þór tók þátt í þrautabraut í reiðhöllinni á Akureyri á
miðvikudagskvöldið síðasta. Þar var mikið fjör og
mikið hlegið enda leikurinn gerður til þess. Þetta var
liðakeppni og voru 3 saman í liði. Þór var í liðinu team
Lífland ásamt Guðmundi Hjálmarssyni og Páli Alfreðssyni.
Þeir sýndu góð tilþrif og voru snöggir að þessu og
enduðu í öðru sæti á eftir liðinu ripp, rapp og rupp.
Lífland styrkti liðið og gaf þeim boli, fallega bleika.
Hún Skeifa okkar tók einnig þátt og var það hann Sumarliði í
Sumarliði sem var knapi á henni og stóðu þau sig með
einstakri prýði. Á síðustu myndinni er svo Guðmundur
nokkur Steingrímsson sjóari en betur þekktur hér í
sveit sem pabbi Atla vinnumanns! Nokkrum sekúndubrotum
eftir að myndin var tekin faðmaði Guðmundur battann í
höllinni og sléttaði í framhaldi gólfið og mun hann hafa
verið með mestu tilþrifin í keppninni.
31.05.2011
Það var loksins komið nýtt folald í morgun en Sunna gamla
kastaði seinna en við héldum og hefur hún örugglega bara
verið að bíða eftir sumrinu. Allavega skein sól í
dag:) Hún átti rauðtvístjörnótta hryssu undan Geisla
frá Úlfsstöðum. Hún var nánast "glæný" kl. 6 í morgun
þegar ég skundaði uppeftir með myndavélina. Hnjúkur og
"móhikaninn" (eða hvernig á að skrifa þetta eiginlega) okkar
hún Góa tóku þessum nýja leikfélaga hins vegar með mikilli
ró og virtust mun forvitnari um hundinn Heru en nýja
folaldið. Og ekki var nú stórt hjartað í smalahundinum
þegar eltingarleikurinn snérist við.
30.05.2011
Hér er Malin á enn einni moladótturinni, Sól frá
Arnarstöðum, í kuldanum í gær. Þó nú sé að koma
júní er ennþá þörf fyrir ullarbækur og úlpur við
útreiðarnar. En eins og veðurfræðingarnir segja alltaf
í hverri viku þá hlýnar á fimmtudaginn, þannig að eina
vikuna enn bíðum við spennt eftir fimmtudeginum.
27.05.2011
Kíkið inn á kýr og sjáið myndir frá
árlegri ródeó keppni skriðuliðsins!!
27.05.2011
Þrátt fyrir kuldatíð undanfarna daga er gróðurinn í óða önn
að taka við sér. Blómin eru farin að springa út og
trén orðin laufguð í garðinum:)
26.05.2011
Þessi moladóttir heitir Alvör frá Skriðu og er hún bara 4.
vetra gömul. Stór og falleg og lofar mjög góðu.
Bragi og Eva í Lönguhlíð eiga Alvöru en Malin er búin að
temja hana í vetur og gengið vel.
25.05.2011
Fyrsta tilraunin með nýju myndavélinni:-) og tilraunadýrin
voru Moladóttirin Stella frá Skriðu (5 vetra) og Malin frá Svíþjóð!!
Bara gaman í sólinni. Stella er mjög efnileg og alþæg
meri í eigu Páls Skúlasonar.
23.05.2011
Fengum hressa og skemmtilega krakka úr 3 og 4 bekk
Þelamerkurskóla í heimsókn í dag. Þau skoðuðu öll
dýrin, gáfu heimagöngunum, settust á hestbak, borðuðu pylsur
og skúffuköku svo eitthvað sé nefnt.
sjá myndir af krökkunum.
Kálfurinn á myndinni er öskugrá að lit og hlaut því nafnið
Aska enda fædd daginn sem Vatnajökull fór að spýja ösku yfir
landann. Annars snjóar hér í dag og því allt lambféð
inni við og hefur það gott. Annars getur maður víst
ekki kvartað yfir snjó og kulda miðað við þær hörmungar sem
sauðfjábændurnir á suðausturlandi eru að berjars við þessa
dagana.
19.05.2011
Nú er hægt að kaupa þetta skilti á síðunni
www.hestifokus.no
Hann Moli er greinilega orðinn vel þekktur í Noregi, bara
komin á umferðar skilti og allt, hvað verður næst? Einhver
spurði hvort það væri verið að vara við of
hágengum hestum eða hvað væri málið. Við þurfum
eiginlega að panta eitt svona til að eiga.
18.05.2011
Þetta er hún Þórdís Ýr á henni Glettu sem hún keypti hjá
okkur um daginn. Ég fékk þessa mynd senda á facebook
með þessum orðum "Voða fín hún Gletta mín, gæti ekki
verið heppnari með hross. Takk Sigga og Þór".
Frábært að þær skulu smella svona saman!!
17.05.2011
Skúmur frá Skriðu er tveggja vetra graðhestur undan Mola og
Svölu frá Hurðabaki. Skúmur er stór og þroska
mikill foli með vígahreyfingar. Erum með nokkra
ungfola sem vildu glaðir komast í einhverja merarhópa í
sumar svo ef einhverjum vantar svona efnilega "skudda"
endilega hafið samband í Síma 8991057.
Sjá Álm, Kjark, Djákna, Svarta-Örn, Þráð og Dyn hér
neðar á síðunni.
16.05.2011
Alltaf upplifir maður nú eitthvað nýtt. En um
þarsíðustu helgi fórum við mæðgur suður og Eyrún keppti á
íslandsmeistaramótinu í samkvæmisdansi. Þetta var bara
skemmtileg tilbreyting frá hrossunum en hún og vinkonur
hennar eru búnar að æfa samkvæmisdans í vetur hjá dansdeild
Akurs og hafa rosa gaman af. Keppnin gekk vel og lentu
hún og Jana í 3. sæti í latín dönsum og 5. sæti í ballroom.
Þær kepptu í dömuhópi þar sem mikill skortur virðist vera á
dansherrum á landinu.
15.05.2011
´
Hér að ofan er Álmur frá Skriðu, þriggja vetra foli undan
Álfi frá Selfossi og Dalrósu (Moladóttur) frá Arnarstöðum.
Stór og reistur foli sem við erum svolítið spennt fyrir að
byrja að temja í haust.
14.05.2011
Þetta er Héla með hann Hnjúk 10 daga gamlan. Hnjúkur
er undan Sædyn frá Múla. Hann fæddist rosa stór og svo
hreinlega tútnar hann út líka svo hann hlýtur að verða komin
í fulla stærð í haust. Búið er að halda Hélu undir
Bessa frá Skriðu, hann er Gýjarssonur á fjórða vetur sem við
eigum.
Nýjar lambamyndir á sauðfé.
14.05.2011
Þetta eru heimagangarnir í ár, annar blindur og hinn
afspyrnu kiðfættur en báðir alveg ótrúlega ljúfir og sætir.
Krökkunum fannst ekki leiðinlegt að leika við þá í garðinum
um helgina og lömbunum leiddist ekkert heldur.
13.05 2011
Sjá sauðfé!
08.05.2011
MEMEME-MEMEMEMEME
02.05.2011
Annað folald ársins kom í heiminn í gær, risastór hestur
undan Hélu frá Skriðu og Sædyn frá Múla. Hann hefur
hlotið nafnið Hnjúkur í höfuðið á Hvannadalshnjúk svo stór
er hann!! Hér fyrir neðan er smá vídeó af Hnjúk
sólarhringsgömlum.
http://www.youtube.com/watch?v=dzq5j5ZVA8A
30.04.2011
Feðgar á ferð og flugi í góða veðrinu í dag ("notabene" ekki
rok!). Steini er á henni Skeifu, en hún er ein af
þessum ómetanlegu hrossum sem hægt er að treysta 100% hvort
heldur sem er í umgengni eða reið.
25.04.2011
Í morgun, annann í páskum fæddist fyrsta lambið á bænum.
Það var gemlingurinn Skessa sem bar og átti þennann
fallega goltótta hrút sem hlotið hefur nafnið Dagur.
Dagur er óttalega smár en sperrtur og af góðum ættum.
Svo kannski verðandi kynbótahrútur??
Þar sem sauðburður er að hefjast var tekið til hendinni í
fjárhúsunum og gert klárt. Hrútarnir settir upp í
hlöðu og fært til. Þeir urðu hálfvitlausir þegar þeir
fóru út réðust á hvorn annan og voru því allir blóðugir,
alltaf eins þessi karlpeningur.
Nú eru fullorðnu hrossin að týnast á járn svo allt er að
fara á fullt í útreiðum hjá yngir kynslóðinni. Þau
hafa bara verið á útigangi í vetur (þ.e. fullorðnu hrossin
ekki börnin) sökum plássleysis í húsinu. Strákarnir
tóku því allir skeifnasprettinn í dag. Einnig brugðu Eyrún,
Ragnheiður og Sverri sér á bak.
22.04.2011
Gleðilegt sumar!! Allt eins og það á að vera 15°C :)
dalurinn fullur af allskyns gæsum, nýræktirnar þaktar svönum
:( Túnin orðin þakin af lóuhópum og heyrði í
stelk í gær:) Vorverkin á fullu :) og
dráttavélin biluð :( svona er lífið!!
18.04.2011
Kíkið á myndir, albúm með
afkvæmum Mola. Gaman að
safna myndum af þeim á einn stað. Ef þið eigið flottar
myndir af einhverjum tryppum undan honum endilega sendið
mér.
skridan@simnet.is.
17.04.2011
Nú eru þessir tveir folar komnir í hús og er Malin að gera
þá bandvana og venja þá við mannfólkið. Þetta eru
tveir graðir Molasynir, þriggjavetra. Sá rauði er
Djákni frá Skriðu undan Sóley frá Kálfsskinni og sá svarti
er Kjarkur frá Skriðu undan Sunnu frá Skriðu. Þeir
montuðu sig aðeins fyrir framan myndavélina í dag!!
16.04.2011
Þetta er Moladóttirin sem fæddist í febrúar, orðin stór og
spræk og hefur hlotið nafnið Góa enda fædd á Góunni!!
15.04.2011
Sjá hugmynd, Jónsteinn
að leika á árshátíð Þms sem fram fór í gærkvöldi.
Þetta var frábær árshátíð og greinilegt að sveitin okkar á
marga upprennandi listamenn. Það voru mörg leikrit,
tónlistarflutningur, dans og söngur og svo troðfullt
hlaðborð af kökum og öðrum kræsingum.
12.04.2011
Alltaf gaman að fá fréttir af hrossunum sínum sem seld hafa
verið út. Hér eru myndir af systrunum Lilju og Kæti en
þær eru eiginlega Vestur-íslendingar ef svo má segja.
Þær eru undan Golu frá Skriðu (Gustdóttur frá Hóli) sem seld
var út til Kaliforníu fyrir nokkrum árum og þá fylfull af
Lilju. Lilja er undan Mola frá Skriðu en Kæti er undan
Óm frá Brún. Fallegar merar sem eru í tamningu núna og
eru myndirnar einmitt fengnar hjá þjálfara þeirra. Á
fyrstu myndinni er Kæti, þá Lilja að stíga sín fyrstu
töltspor og svo báðar, Lilja er sú með stjörnuna.
11.04.2011
Þessi tvö hross eru að yfirgefa okkur, Gletta er á leiðinni
suður og er nýji eigandi hennar hún Þórdís Ýr Pétursdóttir
og Seifur er á leið til Þýskalands á morgun til nýrra
eiganda. Svo er það að frétta að ég (Sigga) tók þátt í
kvennatölti norðurlands í Skagafirði um helgina og gekk
vonum framar. Stefnt var á að lenda ekki í neðsta sæti
(eins og stundum áður) og það tókst:) það er að lenda ekki
neðst. Endaði í 12 sæti af u.þ.b. 40 á Stíg frá Skriðu
svo það gekk vonum framar. Þetta var skemmtilegt mót
og gaman hve margar konur voru að keppa.
Svo var ég líka á námskeiði hjá Agli Þórarinssyni um
helgina, svo hestahelgi hjá mér og karlinn bara sveittur í
fjósa og húsmóðurstörfum!! Þór brá sér reyndar einn
rúnt um þingeyjarsýslurnar til að skoða molabörn!!
nánar um það síðar.
07.04.2011
Ný hross á "Molasíðunni"
forsale from Moli. Fiðla frá Skriðu og Freyja frá
Barká:)
06.04.2011
Hér er hún Gletta og auðvitað Malin í góðum gír.
Glettu á Elvar Reykjalín á Hauganesi. Fín meri þæg og lyftir
vel.
05.04.2011
Nýr á sölusíðunni Skrúður frá Skriðu, tveggja vetra
Molasonur. forsale-from
Moli
03.04.2011
Í síðustu viku fórum við fjórum sinnum í rekstur og geri
aðrir betur. Þetta voru nú samt ekkert langar
dagleiðir og því fínt að koma hrossunum í smá form.
Fyrst riðum við yfir í Bægisá og fengum nokkra góða gesti
með okkur, tengdó sá um nestið eins og vanalega, þá
komu líka Össi Grant og Elvar Reykjalín. Síðar í
vikunni komu svo Óli Hermanns, Hermann pabbi hans, Palli
Vald og Guðni ríðandi frá Akureyri við mættum þeim á
Björgum. Þeir stoppuðu í einn dag og tóku smá rekstur
með okkur fram á Mela. Svo fylgdum við þeim niður í
Björg aftur á bakaleiðinni. Sem sagt frábær
útreiðarvika enda loksins komið logn í dalinn góða!!
31.03.2011
Molabörn til sölu!!!
forsale-from Moli click
at the text.
30.03.2011
Erum komin á facebook undir nafninu "Skriðu hestar" ef
einhver vill vera vinur okkar!!!!
Rakst á eina gamla og góða í myndasafninu. Þetta erum
við hjónin þegar við vorum svona örlítið yngri en ekki
myndarlegri sýnist mér samt. Svei mér þá ég held við
skánum með árunum!!
29.03.2011
Gamli í fullum sving á Ístölti 2011 í Noregi!! sjá frétt hér
fyrir neðan.
Myndir Björg Byström, Kine Nordbrekkan og Kristin Larsen.
27.03.2011
Brosið er fast á okkur Skriðubændum og búaliði í dag!! Moli
sigraði stóðhestakeppnina á Istölti í Noregi í gærkveldi.
Hann og knapi hans Nils Cristijan Larssen fóru algjörlega á
kostum og fengu 8 tíur af 9 mögulegum. Til hamingju
Kine og Nils!! Fáum einhverjar myndir fljólega sjá
www.hestafrettir.is
. Á myndunum eru Agnar og Eyrún á baki Mola daginn
áður en hann hélt í útrás.
25.03.2011
Í gærkvöldi kláraðist KEA mótaröðin á Akureyri og endaði
keppnin með slaktaumatölti og skeiði. Þór tók þátt í
báðum greinum og gekk svona upp og ofan. Hann endaði
þó í sínu venjulega sæti í mótaröðinni, þ.e. sjötta sæti í
slaktaumatöltinu á Kopar frá Hvanneyri. Í skeiði
keppti hann á Drottningu frá Kálfsskinni. Hún lá bara
annann sprettinn og náði ekki nógu góðum tíma. Gengur
vonandi bara betur næst. Það var Eyjólfur Þorsteinsson
sem sigraði mótaröðina, Stefán Friðgeirsson annar og Viðar
Bragason, eða bara Viddi á Björgum, hélt uppi heiðri
Hörgdælinga og hafnaði í þriðja sæti. Að móti
loknu var svo boðið upp á pizzur og snittur í andyri
reiðhallarinnar.
24.03.2011
Á sunnudaginn var fórum við upp að Þverbrekkuvatni ásamt
mörgum góðum sveitungum og lékum okkur í góða veðrinu.
Margir snjósleðar voru með í för og svo var auðvitað dorgað
í gegnum ísinn. Aldrei þessu vant mokaði
Skriðufjölskyldan upp fiski (erum svona meira vön að horfa á
hina moka upp fiski en fá ekkert sjálf) og komum við heim
með eina 30 fiska. Jónsteinn Helgi var aflakóngur
ferðarinnar með 9 fiska. Tekið skal fram að hann veiddi þá
alveg sjálfur frá A til Ö. Mátti varla vera af
því að fá sér kakó og kleinur. Veiðafærin eru
heimatilbúin og veiddi hann flesta fiskana á grænar baunir,
þar sem gular voru ekki til á heimilinu þegar leggja átti á
stað. Frábær dagur með frábæru fólki!!! Myndin
er tekin af heimasíðu Hörgarsveita
www.horgarbyggd.is
og þar má sjá fleiri myndir úr ferðinni.
23.03.2011
Og enn einn molasonurinn kynntur til sögunnar!!
Svarti-Örn frá Litla-Dunhaga
heitir þessi kappi, hann er tveggja vetra, graður og með
flottar hreyfingar. Móðir hans er Gassadóttirin Kvika
frá Litla-Dunhaga. Við eigum hann með ræktanda hans
Jósavini Gunnarssyni í Litla-Dunhaga. Hér að neðan eru
svo jafnaldrar hans, líka graðir, þeir
Dynur frá Skriðu (sá
jarpvindótti) og Þráður frá
Litla-Dunhaga (sá brúni faxmikli) undan Kappa frá
Kommu og Hvönn frá Keldunesi. Þráður er gullfallegur
og faxmikill foli sem fer aðallega á tölti.
22.03.2011
Sjá videó af molasyninum Seif frá Barká, tekið 21.mars
http://www.youtube.com/watch?v=bAINYK_OF9E
21.03.2011
Þetta er Dynur frá Skriðu, tveggja vetra graður foli undan
Freydísi frá Feti og Glym frá
Innri-Skeljabrekku. Dynur er jarpvindóttur, glæsilegur
foli, hann er svona hópprýði eins og segja má, með
sitt hvíta fax og reista háls. Hann er til sölu!!
Verð 600000isk
18.03.2011
Álmur frá Skriðu er þriggja vetra graðhestur undan Álfi frá
Selfossi og Dalrós frá Arnarstöðum(Moladóttir). Álmur
er stór og reistur og hlökkum við mikið til að byrja að
temja hann næsta vetur. Hann stóð efstur á
folaldasýningu framfara árið 2008.
Í gær var Þór að keppa í KEA mótaröðinni í fimmgangi.
Hann keppti á Kopar frá Hvanneyri sem Jón Páll Tryggvason á.
Kopar er undan Þorra frá Þúfu... Gekk það bara
framar vonum og endaði í sjötta sæti
16.03.2011
Þessi töffari heitir Djákni frá Skriðu og er þriggjavetra
graðhestur undan Mola frá Skriðu og Sóley frá Kálfsskinni
(Baldursdóttir frá Bakka). Djákni er kraftmikill og líflegur
foli með rosa flottan fótaburð og gengur bæði tölt og brokk.
15.03.2011
Hvað er þetta með þetta veðurfar, í fyrradag fór ég og
myndaði Ara í sól og 12 stiga frosti, í gær var ekki hundi
út sigandi rok, rigning og 7 stiga hiti. Í dag rok, 0
gráður og ojbjakk!!! Samt sem áður smellti ég nokkrum
myndum af honum Dug frá SKriðu Molasyni á þriðja vetur.
Hann er til sölu en þó ekki komin á sölusíðuna ennþá.
13.03.2011
Þetta er Ari frá Ytri-Hofdölum, hann er undan Ísak frá
Kirkjubæ og Moldu frá Ytri-Hofdölum. Ari er stór,
fallegur og litfagur hestur á 3 vetur.
hross til solu
12.03.2011
Eftir margra daga rok og skafrenning kom loks logn og meira
að segja líka sól. Af því tilefni létum við hrossin
hlaupa úr sér hrollinn sem oft fylgir langri pásu. Þau
voru heldur betur kát og glöð og tóku vel á því.
Fremstar í flokki fóru systurnar Dalrós, Birta og Sól
Moladætur (mynd nr. 2). Börnin notuðu hins vegar blíðuna og
fóru í Hlíðarfjall til að renna sér á brettum og standa í
röð þar sem margir nýttu góða veðrið til að fara á skíði.
07.03.2011
Þetta er Seifur frá Barká, brúnstjörnóttur Molasonur á 6.
vetur. Mikið efni í keppnishest, stór með flottar
hreyfingar og gangtegundir. Seif eigum við með Ólafi
Hermannssyni á Akureyri og er hann til sölu eins og flest
hrossin í húsinu. Upplýsingar í síma 8991057 eða
www.skridan@simnet.is
|
06.03.2011
Hér koma nokkrar myndir af Mola á worldcup 2011, þar sem
hann sigraði stóðhestakeppnina. Það var hún Ida Fia
Sveningsson sem tók myndirnar. Klikkið á þær til að
sjá þær stærri. Gaman að sjá hvað virðist vera gaman
hjá þeim félögum Mola og Nils.
05.03.2011
Fórum með nokkur folöld á folaldasýningu Náttfara
(hrossaræktunarfélagið í Eyjafjarðarsveit) sem haldin var í
reiðhöllinni á Akureyri í gærkveldi. Myndirnar eru nú
ekkert mjög skýrar en sýna samt eitthvað. Við áttum
merina sem stóð efst og var hún einnig valin glæsilegasta
folald sýningarinnar. Þetta var hún Staka frá
Steinsstöðum, sú brúnstjörnótta á mynd nr. 2. Hún er
ótúlega flott í hreyfingum, hreinlega svífur um.
Einnig áttum við folann í öðru sæti í flokki hesta.
Það var hann Stuðull frá Steinsstöðum, sá brúnblesótti á
fyrstu myndinni. Þau eru bæði undan Bessa frá Skriðu,
fjögurra vetra graðhesti sem við eigum undan Gýgjari og
Dimmu. Sjá mynd hér aðeins neðar. Við unnum tvo
folatolla, einn undir Hrym frá Hofi og annan undir Font frá
Feti.
04.03.2011
Þessi þrjú hross hér að ofan eru öll undan
Sunnu frá Skriðu. Efst er
Moladóttirin Saga frá Skriðu, hún er á fjórða vetur og fer
mjög vel á stað. Næst er Sikill undan Stæl frá
Miðkoti. Hann er á sjötta vetur, hreingengur, rúmur og
flottur foli. Svo er Sörli, hann er undan Núma frá
Þóroddstöðum og er á sjöunda vetur. Hann var ekki
tamin fyrr en í fyrra vetur, risastór og fallegur alhliða
hestur.
0
04.03.2011
Agnar keppti á Meistaramóti Íslands í frjálsum íþróttum um
síðustu helgi sem haldið var í Laugadalshöll. Hann og
félagar hans gerðu sér lítið fyrir og unnu 4x200 m.
boðhlaupið og urðu því íslandsmeistara. Á myndinni eru
Helgi Pétur í Kjarna, Ágúst Máni frá Kálfagerði, Baldur í
Staðartungu og svo Agnar Páll. Sjá meira á
www.horgarbyggd.is .
03.03.2011
Enn ein Moladóttirin sem er í tamningu hjá okkur. Þetta
er Alvör frá Skriðu undan Mola og Hélu
frá Skriðu. Alvör er bara á 4. vetri og er geysilega
efnilegt tryppi. Gangur laflaus og rúmur og falleg
meri í þokkabót. Hún er í eigu Braga bónda í
Lönguhlíð.
Ynja frá Ytri-Hofdölum er á 4. vetur undan Gammi frá Neðra
Seli (Orrasonur). Hana fengum við í viðskiptum í
haust. Ynja er fíngerð, alþæg og afskaplega geðugt
hross í alla staði.
03.03.2011
Fiðla frá Litla-Dunhaga heitir þessi bleikálótta
Moladóttir. Hún er í eigu Jósavins Gunnarssonar í
Litla-Dunhaga. Fiðla er undan Mola frá Skriðu og Vöku
frá Litla-Dunhaga (Kolfinnsdóttir frá Kjarnholtum).
Hún er á 5. vetur og mjög
skemmtilegt tryppi, uppáhalds tamningatryppið hennar Malinar
tamningakonu!!!
Eitthvað hefur hún Susanna verið orðin þreytt á þessum
myndatökum og einbeitingin farin að dvína eða þá hefur
hún tekið því full bókstaflega þegar henni var sagt að mynda
bara allt sem fór um veginn. Því þegar ég fletti gegnum
myndirnar komu þessa myndir inn á milli.
02.03.2011
Hér kemur Bessi frá Skriðu, graðhestur á fjórðavetur undan
Dimmu frá Akri og Gígjari frá
Auðsholtshjáleigu. Bessi er rétt reiðfær og var í
sínum 3 reiðtúr þegar myndirnar voru teknar. Sniðugur
foli með fallegar hreyfingar og lausan gang. Spennandi
efni þar á ferð!!
01.03.2011
Um helgina kom hún Susanna Lieski og myndaði fyrir okkur
nokkur hross að gamni. Á næstu dögum munu detta inn
myndir af því sem við erum með í húsinu. Á þessum
myndum er hún Birta frá Skriðu. Hún er undan Mola og
Frigg frá Brún. Hún er rosa skemmtileg og geðgóð meri,
klukkutöltgeng og viljug, og eins og pabbinn kann að lyfta
fótunum. Agnar Páll hefur verið á henni á
námskeiði hjá Linu Eriksson í vetur og gengið ágætlega.
01.03.2011
Moli
var að gera það gott í
Danmörku um síðustu helgi þar sem hann vann
stóðhestakeppnina á worldcup. Knapinn var Nils
Cristijan Larssen. Við erum náttúrulega rosalega stolt
af honum og samgleðjumst henni Kine Nordbrekkan eiganda
hans. Farið inn á
www.hestafrettir.is og sjáið myndir og video af
honum á world Cup. Knapinn á myndinni er Egill Már
Þórsson!
26.02.2011
Fyrsta folald ársins fæddist í dag 26. febrúar. Það
var bleikálótt, stjörnótt meri undan honum Mola og er þetta
síðasta íslandsfædda folaldið undan honum. Móðirin er
bleikálótt meri frá Brjánslæk á Barðaströnd. Við
vorum auðvitað mjög ánægð með að fá meri og ennþá ánægðari
með að hún skildi kasta um miðjan dag en ekki að nóttu til,
þar sem mjög kalt er í veðri. Mæðgurnar voru settar
beint inn í hlöðu og búið um þær þar í hálmi. Við
fórum svo með hárþurrku í kvöld og þurrkuðum litla krílið
betur. Moli fór frá okkur í fyrra vetur í lok mars og
við freistuðumst til að halda nokkrum merum áður en hann
fór. Þær voru nú ekkert almennilega byrjaðar í látum
svo afraksturinn varð aðeins eitt folald og eitt er jú betra
en ekki neitt.
23.02.2011
Til sölu Ari frá Ytri Hofdölum sjá
hross til sölu.
22.02.2011
Hvað finnst ykkur um þetta? Þetta er Molasonurinn Nabbi frá Hólakoti
og eru myndirnar teknar af heimasíðu Hólakots
www.holakot.net.
Rosalegar hreyfingar og folinn bara á fjórða vetur.
Kíkið á heimasíðuna þeirra til að sjá meira.
19.02.2011
Bautatöltið að haldið í skautahöllinni á Akureyri í
gærkvöldi, ekki nema u.þ.b 90 hross voru skráð til leiks!!
Þetta var því hálfgert maraþon fyrir þá sem sátu í stúkunni
og horfðu á. Þór fór með Dalrós Moladóttir frá
Arnarstöðum á svellið og gekk bara vel, við hefðum nú
alveg viljað fá aðeins hærri dóm en það þýðir víst ekkert að
deila við dómarann!!! Björn Jóhann Steinarsson
fyrrverandi "verknámsdrusla" í Skriðu eins og hann segir
sjálfur frá mætti líka með tvo til reiðar og tók þátt í
mótinu. Honum gekk líka vel og sáttur við sitt.
Það var hann Elvar Reykjalín á Hauganesi sem sendi okkur
þessa mynd af þeim Þór og Dalrós í morgun.
18.02.2011
Nýr hestur á sölusíðunni, Úlfur frá
Kommu.
18.02.2011
Í dag er síðasti dagur þorra og því við hæfi að birta
nokkrar týpískar þorramyndir en það er alltaf "svona" gaman
á þorranum í sveitinni. Við vorum í Þorrablótsnefnd á
Melum þetta árið og skemmtum okkur konunglega enda með
einvalaliði í nefnd. Það var nefndarsöngur, annáll,
brandarar, leikþættir, fordrykkur, Doddi jackson ásamt betu
aðstoðarkonu startaði ballinu og nefnd næsta árs var klædd
í supermanbúning og látin dansa upp á sviði. Síðan var
tjúttað á öðru þorrablóti í Hlíðarbæ helgina eftir.
Svona á þetta að vera í skammdeginu. Það var hún Ásta
Júlía Aðalsteinsdóttir á Bústöðum sem tók þessar myndir á
Melum.
15.02.2011
Sjá sauðfé og kýr!!!
08.02.2011
Tvö nýjustu hrossin okkar!! Fórum fram í Steinsstaði í
Öxnadal á laugardaginn og sóttum þessi tvö flottu folöld.
Ætluðum nú bara að sækja eitt sem við áttum en leist svo vel
á hópinn að við versluðum annað. Þau eru bæði undan
Bessa frá Skriðu. Bessi er foli á fjórða vetur undan Dimmu
frá Akri og Gígjari frá Auðsholtshjáleigu. Sú
stjörnótta heitir Staka og er rosa falleg og hágeng en sá
blesótti heitir Stuðull og fer fallega á öllum gangi.
13.01.2011
Það var leikur í tryppunum þegar við vorum að mynda þau í
gær. Við erum með nokkur hross á Þúfanavöllum, þar sem
þeim er gefið og eru í góðu yfirlæti hjá því sómafólki sem
þar býr. Mikill snjór er um allt svo erfitt var að
reka þau til og sumsstaðar náði snjórinn upp í kvið.
06.01.2011
Nú eru jólin víst á enda og jólasveinarnir á hraðri leið
heim til fjalla. Kertasníkir var víst eitthvað seinn á
stað svo hann varð uppiskroppa með hreindýr. Enn
einu sinni bjargaði búkolla gamla málunum og ferjaði karlinn
yfir holt og hæðir. Grýla hlýtur líka að verða himinlifandi
að fá ferska og góða mjólk í vetur. Því við
vitum náttúrulega öll að íslenka kúamjólkin er sú
allrabesta. Svo áfram íslenska mjólkurkýrin megi hún
lengi lifa HÚRRA HÚRRA HÚRRA!!
04.01.2011
Rommel frá Skriðu, nýr á sölusíðunni.
02.01.2011
Það er alltaf verið að braska eitthvað, hér fyrir ofan eru
tvær merar sem við fengum í hestakaupum. Sú mósótta
hefur hlotið nafnið Ynja frá Ytri Hofdölum. Hún er
orðin reiðfær og lofar góðu . Sú gráa heitir Kengála og er
frá Neðri Rauðalæk. Hún er undan Smára frá Skagaströnd og er
á þriðja vetur. Í skiptum fyrir hana létum við meðal
annars rauðskjóttann Molason, Skrúð frá Skriðu. Það er
Sumarliði sjálfur, bóndinn á Rauðalæk, sem teymir merina út
úr kerrunni. Kengála virðist vera þægasta skinn, svo
það verður spennandi að vita hvað verður úr henni.
Við sóttum tryppin okkar fram á Barkárdal fyrir áramótin svo
nú eru öll hross komin í heimahagana. Þau voru feit og
pattaraleg og höfðu bæði stækkað og breyst mikið frá því í
sumar. Sum til batnaðar önnur ekki eins og gengur og
gerist!! Á fyrstu myndinni er stóðið að hlaupa niður
að réttinni á Þúfnavöllum. Svo eru tvær myndir af
Kringlu frá Steinsstöðum (sú gráa), þá tvær af Öldu frá
Brimnesi en þær eru báðar undan Stíg okkar. Báðar
faxmiklar, stórar og gullfallegar merar. Á síðustu
myndinni er svo Sóldögg Mola og Listar dóttir. Hún er
ekki eins falleg en litur og ganglag frábært.
01.01.2011
Gleðilegt nýtt ár, frá mönnum og málleysingjum í Skriðu!!
|